Wyatt: Dolls mund të vazhdojnë edhe pa Scehrzinger

Ylli i Pussycat Dolls, Kimberly Wyatt, ka dhënë shenja se raporti në mes të anëtareve të tjera të bendit dhe lideres Nicole Scherzinger është jo aq i kënaqshëm.
Gjatë gjithë verës kanë qarkulluar thashetheme se bendi mund të ndahet për shkak të zënkave dhe pakënaqësive në mesin e anëtareve të bendit, dhe se anëtaret më pak të famshme ishin xheloze për rolin e lideres në grup të Scherzinger.

“Unë kam raporte me shumicën e bendit, por jo me çdonjërën. Shikoni, në fund të fundit kjo është një punë, ne të gjithë kemi jetën tonë dhe projektet tona. Mendoj se Nicole është e lidhur në formë biznesi, jo si mikeshë”, ka thënë Wyatt për Daily Star.

“Nëse Nicole do të largohet nesër, ne mund të vazhdojmë sërish. Mund të parashoh që bendi të ekzistojë përgjithmonë”, ka shtuar këngëtarja.