Liam: Oasis nuk ekziston më

Frontmeni i grupit “Oasis”, Liam Gallagher, ka deklaruar se rok grupi i tij nuk ekziston më, pas largimit të vëllait Noel në gusht të këtij viti.
Këngëtari ka folur për herë të parë për grupin që nga largimi i vëllait të tij, ndërsa edhe pse pranon që “Oasis” ka marrë fund, ai planifikon të bëjë muzikë me anëtarët tjerë të grupit: kitaristin Gem Archer, basistin Andy Bell dhe bateristin Chris Sharrock.

“‘Oasis’ nuk ekziston më. Mendoj se të gjithë e dimë këtë. Domethënë ka marrë fund. Pa asnjë dyshim. Është turp, por kështu është jeta... Çështja është se askush nuk e përfundoi për ne, por ne i dhamë fund”, ka thënë Liam.