Robbie: Me Take That pas 2011

Robbie Williams ka mohuar mundësinë e bashkimit me ish-grupin e tij "Take That" në një të ardhme të afërt, sepse në baza ligjore (për shkak të kontratave të nënshkruara) ai nuk mund të bashkohet me ta deri në vitin 2011.
Muajin e kaluar Robbie ka shkuar në një studio me katër anëtarët tjerë të grupit (Gary Barlow, Jason Orange, Mark Owen dhe Howard Donald), nga të cilët u nda në vitin 1995, mirëpo këngëtari i ka siguruar fansat e tij se do të vazhdojë solo, së paku edhe për një kohë.

“(Bashkimi) do të ndodhë. Por jo edhe në dy vitet e ardhshme. Ka kontrata të cilat duhet të përmbushen, pastaj mund të bëj çfarë të dua”, ka thënë Robbie për revistën “GQ”.