Të shtënat me armë dekor për dasmat turke

Dasmat në lindje të Turqisë përveç haresë dhe gëzimit kanë edhe një element të pashmangshëm: Të shtënat e armëve, që zbrazen për nder të sapo martuarve.

Jo, jo kjo nuk është luftë por janë tinguj të dasmës tradicionale të Turqisë Lindore! Kallashnikov rusë, pushkë amerikane M 16 dhe shumë lloje të tjera të pushkëve dhe pistoletave zbrazen për nder të sapo martuarve. Bëhet fjalë për Meçitin dhe Estelin,çifti jeton në Belgjikë, por kanë vendosur të kthehen në vendlindje për dasmën, në provincën turke Sirnak në rajonin kufitar me Irakun. Atje posedimi i armatimit të rëndë mes civilëve në raste dasmash është dukuri e zakonshme. Pjesa më e madhe e familjeve të organizuar në struktura fisnore, sipas agjencisë së lajmeve Rojters, punojnë si njësi paraushtarake të autoriteteve turke në luftën kundër separatistëve kurdë. Prej atje pajisen edhe me armatim. Në Turqi është traditë që të ketë të shtëna në ajër edhe gjatë manifestimeve tjera, si për shembull në ndeshjet e futbollit në vend. Por, shpesh herë si pasojë të plumbave qorre ka edhe viktima!