Kafshët e rralla në shërbim të politikës

Qeveria kineze do t’i dhurojë Tajvanit dy Panda, kurse tajvanezët do t’ua kthejnë me një lloj të cjapit dhe me një drerë, të cilëve po ashtu iu kërcënohet shfarosja.

Dy Panda kineze po përgatiten që këto ditë të shkojnë në Tajvan. Presidenti i atjeshëm Ma Jing Zhu paralajmëroi se do ta pranojë këtë dhuratë të rrallë nga Pekini si gjest i vullnetit të mirë dhe shenjë për përmirësimin e marrëdhënieve ndërmjet dy shteteve. Sidomos, banorët më të vegjël të Ishullit me padurim po e presin arritjen e këtyre kafshëve të rrezikuara nga shfarosja.

“Do të isha e lumtur që t’i shikojë pandat pasi janë shumë tub bukura”, tha Tung Ting Jia.

“Kanë rrethe të zeza rreth syve dhe i mbajnë gjerësisht të hapur”, thotë Vu Çang Ji.

“Pandat janë shumë të lezetshme", thekson Tung Ju Çuan.

Mirëpo edhe Tajpei mendoi si kompensim një dhuratë interesante. Kopshti i atjeshëm zoologjik planifikon që në Kinë të dërgojë një drerë dhe një cjap të llojeve vendase, të cilët po ashtu janë të rrezikuar nga shfarosja. Derisa populli i dy anëve gëzohet në idenë për dhurata të ndërsjella, aktivistë për mbrojtjen e kafshëve kritikojnë se ata do të kenë probleme të mëdha në përshtatjen në kushtet e reja të jetesës.