Gjarpri 180 cm në banjë

Një gjarpër 180 cm është gjetur në vaskën e një banje në një banesë në katin e dhjetë, në Australi.

Besohet se gjarpri me kokë të zezë, i llojit piton, ka jetuar në sistemin e tubave të ndërtesës për më shumë vite.

Eksperti për gjarpër, Chris Peberdy, e kishte shpëtuar atë pasi që banorët ishin shokuar nga frika.

“Kur e pash edhe unë u shokova. Është diçka interesante nëse e gjen një bretkosë në banjë... mirëpo një piton 180 cm... Vërtet do t’u kishte frikësuar nëse dilte nga vaska e banjës suaj”, ka thënë Peberdy.

Peberdy ka thënë se e vetmja mënyrë për të arritur deri në banesën e katit të dhjetë ka qenë sistemi përçues i tubave, duke mohuar ndonjë mundësi tjetër të arritjes aty.