E rralle ne Shqiperi, lind zogu me kater kembe ne Fushe Kruje

E rrallë por e vërtetë! Banorët e fshatit Derven në Fushë Krujë janë habitur kur në fermën e Pashk Gjokes kanë gjetur një zog pule me katër këmbë. Shpendi i çuditshëm ka lindur katër ditë më parë në fermën e tij, në Dervan të Fushë Krujës.

Kanë ardhur menjëherë specialistët për të parë se si është forma e shpendit, dhe është vënë re se zogut me 4 këmbë i funksionojnë vetëm dy këmbët e prapme, ndërsa dy të tjerat të cilat duket se janë tepër në trupin e shpendit nuk janë funksionale. Sipas veterinerit Meleq Bylyku "lindje të tilla janë tepër të rralla dhe përfshihen në deformimet gjenetike".

Ndërsa pronari i zogut Pashk Gjokeja shprehet se kemi mbetur të befasuar. Madje kishin frikë të tregonin se nuk e besonin që mund të jetonte. Eshtë i qetë dhe konsumon njësoj si zogjtë e tjerë. Ndërsa shërbimin duket se e ka marrrë përsipër pikërishtë nipi i tij Genti, i cili është në një moshë të vogël vetëm shtatë vjeç, por që është i "dashuruar" pas pulave. Ai ka kërkuar që pikërishtë zogun që ka ardhur në jetë ta mbajë ai, për ta rritur.

Zogu ka shëndet të plotë dhe mjaftë i lëvizshëm. Ndërkohë që specialistë të mjedisit shprehen se nuk përjashtohet mundësite e ndotjes së rajonit të Ballkanit pas rrezatimeve dhe gazrave të cliruara në atmotseferë nga Cernobili i Ukrahinës, apo nga ndotje të tjera në zonë me origjinë kancerogjene. Është hera e parë që një zog pule lind me 4 këmbë në fshatin Derven, ndërsa fshatarët mbajnë mend si ngjarje të ngjashme atë të ndodhur rreth 50 km larg tyre në fshatin Luzh të Fushë Krujës kur 2 vjet në parë një zog deti lindi me 4 këmbë.