Fabula-nga autor te ndryshem

LIRIA
(gomari, i zoti dhe mushka)


U mërzit në kasolle gomari,
ndaj një ditë këputi litarin:

Boll më, tha ,me dru dhe punë,
do fitoj lirinë dhe unë!

Po kur i zoti e gjeti në pazar
e ngarkoi mirë me mall.

I foli një mushkë aty pranë:
Liria nuk është për gomarë!

Miltiadh Davidhi


Breshka dhe Pula


Dimër ish, gjëmonin retë,
Por breshkani, qetë – qetë
Vetëfryhet si ngahera:
-Nuk qaj kryet për rrufera!

Ç’i tha pula te furriku:
-Të mbërthen, të zë paniku,
Kur lëvizë një fije bari...
Apo jo, breshkan qyqari!?

KANGURI, DALLENDYSHJA DHE TRUMCAKU

Dallendyshja te oxhaku
c'po i qahej nje trumcaku:

-Nuk bej dot zgjerim foleje
se kanguri s'leshon leje.

ka nje vit qe jam ne hall
per nje firme vij verdall...

ky trumcaku ben cudi...
-Per nje firme ??? Qe tani!

Qumesht veze a gjesend jepi:
s'firmos dora, firmos xhepi


RREFEN GJYSHI

Rrefen gjyshi:- ishte, c'ishte
ngjau te nje pleherishte
bubuzheli bente topa
rrokullisej hopa hopa

sheh macokun_or macok,
na nje top e luajme tok!

-C'top me thua o i gjore
te vjen ndot ta zesh me dore
nxori gjyhen dhe perqeshi
-sa per top e kam prej leshi

ARIU E DHELPRA
E pandehur, te kane pare
drejt kotecit duke ngare
nje kerriç e nje gomar.
me nje fjale , dy deshmitare...
Ç'ke te thuash me ne fund?"
dhe ariu putren tund.

"S'e mohoj , eshte e vertete
qe me pane ata dy vete.
Mirepo une , ne me latë,
do te sillja ne gjykate
nja dyqind qe s'me kane pare...
Apo jo , zoti gjyqtar? "