Boyle mahnit edhe Amerikën

Sensacioni Susan Boyle ka mahnitur amerikanët në finalen e spektaklit “Americas’ Got Talent”, duke tërhequr 25 milionë shikues anekënd SHBA-ve.
Boyle, e cila më herët gjatë këtij viti mahniti botën me këngën e “Les Miserables”, “I Dreamed A Dream”, në spektaklin britanik “Britain’s Got Talent”, sërish është vënë në qendër të vëmendjes edhe në SHBA.

Duke performuar këngën “Wild Horses” të mërkurën mbrëma, skocezja 48-vjeçare ka tërhequr miliona shikues televizivë dhe ka fituar ovacione nga publiku i pranishëm në sallë.

Madje edhe anëtarët e jurisë Brit Piers Morgan dhe Sharon Osbourne u çuan në këmbë për t’i duartrokitur këngëtares pasi përfundoi performimin.