Robbie do të vazhdojë qëndrimin në studio me Take That

Grupi “Take That” ka dhënë shpresë për ribashkim me Robbie Williamsin, pasi që kanë kërkuar nga ai të qëndrojë më gjatë në studio me ta.
Williams u largua nga grupi në vitin 1995 për të vazhduar solo-karrierën, ndërsa një vit më pas anëtarët tjerë të grupit (Gary Barlow, Jason Orange, Mark Owen dhe Howard Donald) u ndanë.

Mirëpo “Take That” u bashkuan sërish (pa Robbien) në vitin 2006 duke lansuar disa këngë shumë të suksesshme, ndërsa së fundmi edhe anëtarët tjerë të grupit edhe Robbie kanë shprehur interesimin që edhe këngëtari i hitit “Feel” të bashkohet me grupin e tij të dikurshëm.

Të shtunën, Williams e shoqëroi grupin “Take That” në Electric Lady Studios në New York, ndërsa tani “Daily Mirror” njofton se Robbie do të vijë edhe disa herë të tjera në studio, ashtu që mundësitë e ribashkimit janë shumë të mëdha.