Projektet e Scherzinger nuk kanë të ndalur

Nicole Scherzinger po e shfrytëzon pushimin e "Pussycat Dolls" për të punuar me Andrew Lloyd Webber në vazhdimin e shfaqjes "The Phantom of the Opera".
Grupi i vajzave aktualisht është tërhequr paksa, siç spekulohet, si pasojë e pakënaqësive ndërmjet anëtareve të grupit, mirëpo liderja Scherzinger vazhdon të merret me projekte entuziaste.

Përfaqësuesi i këngëtares ka konfirmuar për MTV.com se ajo do të jetë e përfshirë në shfaqjen e Webberit, “Love Never Dies” (e bazuar në “The Phantom of the Opera”), e cila do të shfaqet në Londër në mars të vitit të ardhshëm, ndërsa në New York në nëntor 2010.

Nuk dihet në se Nicole do të performojë në shfaqje, apo do të jetë vetëm një bashkëpunëtore.