Zbulohen 40 mijë lloje të reja të kafshëve në Antarktik

Duke jetuar në planetin tonë, në përgjithësi konsiderojmë se thuajse i kemi gjetur dhe hulumtuar numrin më të madh të llojeve shtazore dhe bimore.

Mirëpo, nuk ishte mu ashtu. Një ekip i shkencëtarëve që i kaloi pesë javë duke kërkuar llojet e reja të kafshëve në ujërat e ftohta në afërsi të Antarktikut, njoftuan se gjetën 40 mijë loje të reja detare që nuk mund të besohet. Në anijen kërkimore “Tangoroa”, ekipi i përbërë nga 26 shkencëtarë vitin e kaluar i kaloi më shumë se një muaj duke mbledhur të dhëna për llojet ende të pa-zbuluara të jetës në rajonin afër polit të Jugut, kurse rezultatet po i shpallin sot disa nga mediumet botërore. Udhëheqësi i shkencëtarëve, Stju Hançet, deklaroi se ky është një zbulim i madh, por puna nuk po përfundon këtu. Oqeani ka fshehur ende lloje të tjera të reja.