Tmerrohet nga gjunjët e huaj

Vetëm nga shikimi apo prekja më e lehtë e gjunjëve të huaj, 25-vjeçarja Sarah Lister fillon të bëj panik dhe të djersitet. Për shkak të frikës nga gjunjët, e njohur si genufobia, Sarah nuk mund të shkoj në plazh, në kafiteri, e as të shëtitet normalisht nëpër rrugë.
“Verës është tmerr. Kam frikë se do të takoj dikë në fustan të shkurtër dhe do të çmendem. Në të fejuarin dhe familjen e afërm jam mësuar, mirëpo gjunjët e të huajve ende më frikësojnë”, thotë Sarah e cila fobinë ka filluar ta zhvillojë që prej moshës 11 vjeçare, pasi që ka parë gjurin e nxjerrë të babait të saj. Ka provuar tableta e hipnoza prandaj me kalimin e viteve frika i është zvogëluar. Shpreson që në maj të vitit të ardhshëm do të jetë e gatshme për martesën e saj.

“Nuk jam kënaqur kur e kam provuar fustanin e nusërisë sepse kisha frikë se dikush mund të më prekë gjunjët. Dua të kënaqem në secilin të martesës sime”, ka thënë Sarah e cila ëndërron për muaj të mjaltit në plazh.