Plaku me oksigjen në hundë plaçkit bankën

Policia amerikane nga Kalifornia është duke kërkuar një plak të veshur bukur me bocë oksigjeni i cili ka plaçkitur bankën në lagjen La Jolla në San Diego.
Plaku ka hyrë në bankën San Diego National dhe i ka treguar arkëtares një letër duke kërkuar para. Është arratisur nga aty me një shumë të panjohur të parave.

Togeri Ray Battrick nuk ka ditur të tregojë nëse plaku po bartte armë me veti. E kanë përshkruar si një mashkull në shtatëdhjetat me syze, flokë të thinjura si dhe mustaqe të thinjura. Po mbante një kapelë të bardhë dhe rroba të shtrenjta. Boca me oksigjen ishte në një çantë të zezë, derisa gypi i saj zgjatej deri në hundën e tij.