Snow Leopard tregohet i suksesshëm

Versioni i fundit i sistemit operativ të kompanisë Apple po shënon rezultate të shkëlqyeshme të shitjes, dy herë më të mira sesa ai Leopard.
Apple është duke shënuar rezultate shumë të mira të sistemit operativ të paraqitur kohë më parë - Snow Leopard. Edhe pse ende nuk ka të dhëna konkrete, kompania NPD Group raporton se gjatë dy javëve të para të shitjes janë duke u shënuar rezultate dy herë më të mira sesa me sistemin operativ Leopard kur ai ishte lansuar në treg.

Rezultatet janë katër herë më të mira të shitjes sesa nga koha e paraqitjes së Tiger, derisa analistët vlerësojnë se janë dy arsye kryesore për popullaritetin e versionit të fundit të sistemit operativ të Apple.

Arsyeja e parë ka të bëj me thjeshtësinë e përditësimit nga shfrytëzuesit aktual të Leopardit, derisa e dyta është se çmimi i tij është afro 100 dollarë më i lirë sesa sistemi operativ paraprak