Kujdes çfarë kafe pini pas dite

Kafja e pasdites mund të jetë shkak i konsumimit të kalorive të shumta, prandaj personat të cilët kanë nevojë që të pinë kafe pas dite, duhet të kenë kujdes që të mos ua rrisë peshën trupore.
Një hulumtim i Zyrës njujorkeze të shëndetësisë, i realizuar nëpër kafenetë e New Yorkut, tregon se kafja e zezë ose kafja me qumësht ose sheqer, kanë mesatarisht 63 kalori.

Mirëpo, variantet e ndryshme të kafesë dhe pijeve nga kafja me shije të ndryshme të cilat ofrohen në treg dhe përmbajnë qumësht të ëmbël, akullore ose shtesa tjera- shpesh kanë katër herë më shumë kalori (rreth 239, gjegjësisht 12% të ushqimit mesatar prej 2.000 kalorish).

Në bazë të anketës së publikuar në revistën “Preventing Chronic Disease”, ku janë përfshirë 3.000 pjesëmarrës nga 115 kafene në qytetin e New Yorkut, është treguar se 20% e amerikanëve pinë së paku një filxhan kafe në ditë.