Odom: Martesa me Khloe është ‘e vërtetë’

Lamar Odom, ka hedhur poshtë thëniet se martesa e tij me Khloe Kardashian është bërë vetëm për publicitet, duke thënë se ajo është një martesë ‘e vërtetë’.
Basketbollisti i Los Angeles Lakers dhe ylli televiziv u martuan në një ceremoni luksoze në Hollywood gjatë të dielës, vetëm pas një muaji lidhje.

Mediat amerikane shkruan se bashkimi i tyre mund të ishte bërë vetëm për të përfituar financiarisht, pasi Kardashian kishte pranuar një ofertë prej 250 mijë dollarësh, për të lejuar revistën OK! të përfshijë martesën e tyre në një edicion ekskluziv.

Dyshja po ashtu nuk janë të lidhur legalisht, pasi janë në kompletim të marrëveshjes paramartesore.

“Është çmenduri se si perceptohen gjërat në Amerikë, kur i shihni gjërat nga jashtë. Por, çdokush që ishte aty mund të ju thotë se ishte një ngjarje e mirë dhe ishte shumë reale”, ka thënë Odom.