Polanski do të qëndrojë disa muaj në burg

Roman Polanski do të kalojë disa muaj në burg, pasi që po përballet me luftën kundër ekstradimit në SHBA, ku e pret dënimi për një padi për abuzim seksual të një fëmije.
Regjisori i filmit “Rosemary's Baby” aktualisht gjendet i burgosur në Cyrih pas arrestimit të shtunën si pasojë e një fletarrestimi ndërkombëtar.

Polanski është zotuar që të luftojë kundër ekstradimit në SHBA, ndërsa ky proces mund të zgjasë me javë ose me muaj.

Kështu, gjatë kohës derisa Gjykata Federale e Zvicrës për krime të marrë një vendim nëse do ta lirojë ose ekstradojë regjisorin, Polanski duhet të qëndrojë në burgjet zvicerane.