Godo: Negocime për vaksinën A/H1N1

Ministrja e Shëndetësisë së Shqipërisë, Anila Godo, deklaroi se edhe Shqipëria ka hyrë në fazën e negocimeve me kompanitë farmaceutike, që po merren me prodhimin e vaksinës ndaj A/H1N1. Ministrja Godo, tha se ndoshta në vjeshtë vaksina do të vijë, por kjo ende nuk dihet dhe se mendohet të paktën të vaksinohet rreth 1/3 e popullsisë.
"Thuhet që në vjeshtë do ta kemi, praktikisht ne jemi në bisedime në mënyrë që ne të mbulojmë tërë atë kontigjent popullate, ndoshta 1/3 e popullatës, ndoshta dhe më shumë që ne mendojmë që duhen vaksinuar. Ka disa diskutime, disa bisedime të tjera që vetë laboratorët farmaceutikë do t’i dhurojnë një numër të madh vaksinash OBSH. Ndoshta një sasi vaksine do të vijë dhe nëpërmjet OBSH-së", tha Godo.

Ministrja Godo, tha se edhe OBSH pritet ti dhurojë Shqipërisë, një sasi dozash të vaksinës kundër A/H1N1. Këto deklarata ministrja Godo, i bëri gjatë një vizite në poliklinikën iraniane në Tiranë, ku ka inauguruar dhe ambientin e posaçëm, ku është vendosur aparatura e radiologjisë, e cila ka kushtuar rreth 85 mijë euro, dhe do tu shërbejë rreth 300 mijë banorëve të Tiranës

thnx