Po vjen Lulin, “Kometa e gjelbër”

Ditët në vijim te muajit shkurt do të jenë spektakulare për ata që e duan qiellin me yje, sepse këto ditë kometa Lulin do të duket edhe pa ndihmën e ndonjë teleskopi apo dylbive.

Tani e njohur edhe me nofkën “kometë e gjelbër” për shkak të ngjyrës së gazit që liron, siç edhe duket në këtë foton e bukur të cilën e ka bërë astronomi italian Paolo Candy. Jemi duke folur pra për kometën Lulin e cila u zbulua ne vitin 2007 gjatë një kolaborimi të astronomëve kinezë dhe atyre te Tajvanit, që tashmë është duke iu afruar planetit tonë Tokës.

“Siosfera” e 24 shkurtit 2009 do të jetë dita kur kometa Lulin do ti afrohet Tokës më se shumti me një largësi prej 60 milionë kilometrash. Këtyre ditëve do ta arrijë një ndriçim të mrekullueshëm me 4a deri në 5a magnitudë dhe kështu që do të na mundësohet ta shikojmë pa anën e teleskopit apo dylbive por vetëm me shikimin e syrit.

Askush nga astronomët dhe astrofizicientët nuk jep një shpjegim përse Lulin është hera e parë që viziton sistemin tonë diellor dhe në njëfarë mënyre - askush nuk di edhe si ta trajtojë një ngjarje te tillë.

Pra këtu do të këtë vend edhe për ndonjë surprizë të mundshme. Kjo kometë supozohet se përmban sianogjen një gaz që është shumë i shpeshtë, pothuaj se ne të gjitha kometat e njohura deri më tani si dhe biatomik të karbonit. Që të dyja këto substanca së bashku me ndriçimin e Diellit japin një shkëlqim të gjelbër kësaj komete. Për ta parë, tashmë duhet shikuar tek horizonti qiellor, në mesin e yjeve plejadë të Peshores.

Kometën Lulin pra do të kenë mundësi ta shohin te gjithë qytetaret e Kosovës dhe mbarë Universi, kometë e cila disi na ka zënë në një surprizë krejtësisht mahnitëse për të mos than të çuditshme, por siç mësohet nga eksperienca në astronomi duhet të ketë gatishmëri për çdo befasi të mundur