horoskopi mujor shtator 2009

Dashi
Karriera: Në situatat kur duhet ta tregoni aftësinë tuaj në krahasim me të tjerët, do të jeni në formë të përkryer. Pra, konkurrenca nuk u prishë punë, thjesht juve ju jep mundësi të tregoni sa dini dhe sa vleni. Dhe, natyrisht, gjatë shtatorit do të keni raste të shumta për t’u matur me të tjerët – dhe ju duhet ta shfrytëzoni këtë mundësi për t’u dëshmuar dhe për të përparuar në karrierë. Vetëm se kërkohet pak më shumë përkushtim në punën që bëni.
Partneri: Gjatë këtij muaji do të përpiqeni të jeni më dominues ndaj partnerit dhe kjo gjendje mund të shkaktojë edhe konflikte në lidhjen tuaj sentimentale. Përpiquni t’i merrni gjërat shtruar dhe të shmangeni nga fjalosjet e panevojshme. Personat e lirë, me më dëshirë do të provokonin gjatë kësaj periudhe sesa të mendojnë për ndonjë lidhje serioze.

Demi
Karriera: Bashkëpunimi me kolegët dhe eprorin tuaj në punë, gjatë muajit shtator, do të jetë shumë i mirë. Do të jeni të qetë dhe të lumtur në përmbushjen e obligimeve, mirëpo mos kërkoni që të ngriheni në pozitë gjatë këtij muaji – ruajeni këtë atmosferë të mirë bashkëpunimi që të keni sukses në periudhat e mëvonshme. Megjithatë, mos i harroni të mirat që ju kanë borxh të tjerët.
Partneri: Gjatë muajit shtator do t’ju kaplojë mendimi pozitiv, që do të sjellë mjaft harmoni dhe elan në jetën tuaj sentimentale. Pra, është koha ta hidhni prapa periudhën e konflikteve me partnerin dhe t’i gjeni anët e mira, të cilat nuk kanë munguar, por i keni lënë anash për sa e sa kohë. Personat e lirë, duhet të dalin më shpesh, ne ahengje dhe tubime të ndryshme – aty edhe mund ta gjejnë partnerin e jetës.



Binjakët
Karriera: Koncentrimi nuk do të jetë arma juaj më e fortë gjatë këtij muaji, edhe pse do të jeni të mirë dhe të shpejtë ne kryerjen e detyrave të llojllojshme. Megjithatë, mundohuni që të merreni me punë të reja (me të cilat s’jeni marrë më parë), sepse do t’ju motivojnë që të punoni edhe më shumë, dhe në këtë mënyrë do të ecni drejt suksesit. Përpiquni të krijoni raporte të shëndosha brenda kolektivit dhe të krijoni ambient të përshtatshëm për punë.
Partneri: Ju pret një muaj përplot gjallëri sa i përket aspektit sentimental – periudhë ideale për ta bindur partnerin se sa vlen dhe çfarë domethënie ka për ju. Përpiquni të jeni më aktiv në bisedë dhe çdo gjë do të jetë në rregull. Personat e lirë, duhet të jenë të kujdesshëm se lehtë munden t’ju largohen shanset e mira – pra, duhet t’i shfaqin anët pozitive, ndërsa mangësitë t’i mbajnë për vete.

Gaforrja
Karriera – Shumë më energjik do të jeni në punë gjatë këtij muaji se sa në jetën private. Jeni një person me inat edhe pse nuk jepeni dhe nuk dëshironi që kjo gjë të zbulohet nga secili. Edhe pse obligimet do t’i përfundoni ashtu siç kërkohet, ju prapë se prapë do ta jepni maksimumin nga vetja vetëm të arrini më tepër. Në këtë mënyrë, ju asnjëherë nuk lejoni që dikush t’ju shkelën mbi kokë, respektivisht t’ua merr para hundëve shanset për biznes të mirë.
Partneri: Jeni një person i mbyllur në vete, mirëpo nuk duhet t’i injoroni problemet e t’i leni anash ato. Përpiquni që së bashku me partnerin t’i zgjidhni problemet, nëse dëshironi një lidhje të fortë dhe stabile. Me pak përkushtim çdo problem ka zgjidhje, andaj është koha për të vepruar qysh tani. Personat e lirë duhet të jenë më aktiv nëse dëshirojnë të gjejnë personin e jetës.



Luani
Karriera: Aty ku muajve të kaluar keni pasur dështime, gjatë këtij muaji nuk do të dëshironi të sprovoheni. Megjithatë, nëse arrini të ndryshoni statusin tuaj kolegial në punë, atëherë nuk do të njihni asnjë pengesë. Bashkëpunimi i mirë, është çelësi i suksesit gjatë këtij muaji për ju. Sidoqoftë, përpiquni të jeni të përkushtuar në punë – dhe mos lejoni që jeta private të ndikojë në përmbushjen e obligimeve që priten nga ju. Nuk është koha për relaks por për veprim.
Partneri: Shtatori është periudha ideale që t’i qëndroni pranë partnerit dhe t’i shprehni dashurinë – për të cilën keni shumë nevojë që të dy. Jepni me të mirën nga vetja dhe tregoni sa vlen ai për ju. Personat e lirë kanë mundësi të mira që gjatë muajit shtator t’i realizojnë takimet të cilat i kanë lënë anash gjatë muajve të mëparshëm.

Virgjëresha
Karriera: Gjatë gjithë muajit do të jeni të përkushtuar në maksimum. Po që se i keni të qarta synimet, atëherë do të mund të përjetoni suksese të papritura që nga fillimi i muajit. Karakteristikë e juaja është se edhe gjërat më të komplikuara dini si t’i thjeshtoni dhe të veproni në mënyrë pragmatike, andaj shfrytëzojeni këtë aftësi për të përparuar në karrierë. Sidomos përkushtojuni aspektit financiar, ku me plane konkrete mund të arrini synimin tuaj – ta mbushni arkën gjysmë-boshe.
Partneri: I gjithë muaji në aspektin sentimental do të jetë një vijë e njëtrajtshme. Nuk parashihen komplikime, por ju do të kërkoni më shumë – më shumë emocione, më shumë lumturi, më shumë gëzim, dhe nëse vërtetë e dëshironi këtë, atëherë duhet të jeni më aktiv. Personat e lirë të kësaj shenje, sidomos prej datës 11 deri më 21 shtator, do të kenë mundësi të shumta për takime interesante, por edhe për të përforcuar ndonjë lidhje të mëhershme.



Peshorja
Karriera: Rutina e punës së përditshme do t’ua shkaktojë monotoninë – mirëpo, në anën tjetër, një punë fikse, po ashtu do të ketë kuptim për ju. Me një fjalë, ju do të kërkoni ndryshim në jetë, por jo duke hequr lehtë dorë nga puna e tanishme, pa e siguruar një punë tjetër shumë më të mirë. Do ta ruani disiplinën që dispononi, e madje do të kryeni punë që nuk ju përshtaten, por ato janë gjërat që ju bëjnë më të fortë para një vendimi definitiv që dëshironi të merrni në momentin e duhur.
Partneri: Për të pasur një muaj të hareshëm, duhet të ndërmerrni një rrugë me partnerin, qofshin ato pushime të shkurtra, apo ndonjë vikend i përbashkët. Por, gjithsesi keni nevojë për pak ajër të freskët, dhe për pak çaste të përbashkëta, larg të tjerëve. Personat e lirë më lehtë do të gjenden në ambientin e të njohurve, ku lehtë mund t’i afrohen ndonjë personi.

Akrepi
Karriera: Gjatë muajit shtator në profesion mund të arrini shumë. Për juve nuk do të jetë vështirë të qëndroni në pozitën ku jeni, pra të ruani status-quon, mirëpo do ta keni mbështetjen e yjeve edhe për një depërtim më të madh e më të suksesshëm. Pra, me një fjalë, nëse dëshironi të arrini më shumë, mund t’ia dilni mbanë, mirëpo nëse jeni të kënaqur me gjendjen e tanishme, atëherë mund ta kaloni një muaj pa tensione.
Partneri: Muaji në vijim do të jetë i ndarë në dysh për ju. Në pjesën e parë duhet të kujdeseni më shumë për familje dhe të dashurit tuaj, ndërsa në pjesën e dytë për veten tuaj. Personat e lirë të kësaj shenje, gjatë shtatorit do të jenë të kapluar nga ndjenja e dashurisë, mirëpo duhet të hapin zemrën dhe të lejojnë që dikush të trokasë në derën e tyre.



Shigjetari
Karriera: Falë mbështetjes së yjeve profesioni juaj gjatë këtij muaji do të shkojë në mënyrë të duhur dhe pa tensione. Madje, mund t’ju duket se çdo gjë që merrni në dorë, kryhet në mënyrë të përkryer. Megjithatë, këto vlejnë vetëm projekte të vogla dhe të mesme, ndërsa nëse keni të bëni me projekte të mëdha – më mirë do të ishte të kërkoni ndihmën profesionale nga bashkëpunëtorët tuaj, dhe në këtë mënyrë të arrini qëllimin tuaj.
Partneri: Muaji shtator gjithsesi se do t’ju sjellë mjaft lumturi në jetën tuaj sentimentale, megjithatë, kjo nuk ju jep arsye që të mos merreni edhe me problemet dytësore që mund të lindin në bashkëshortësi. Përpiquni t’i kuptoni nevojat e partnerit tuaj dhe në këtë mënyrë lumturia do të jetë e garantuar për ju. Personat e lirë duhet të jenë më të angazhuar për të takuar partnerin e jetës.

Bricjapi
Karriera: Nuk do të jeni në gjendje t’i rrekeni projekteve dhe planeve të reja pa pasur siguri në sukses, dhe ky fakt do t’ju drejtojë gjatë gjithë muajit shtator. Megjithatë, në profesionin tuaj do të jeni të palëkundshëm – dhe vetëm koncentrimi i plotë mund t’ju shpije drejt suksesit të garantuar. Përpiquni të përqendroheni në punë dhe të kënaqeni me profesionin tuaj, në këtë mënyrë do të arrini efektin e dyfishtë.
Partneri: Vetëm tradhtia mund t’ua prishë hesapet gjatë këtij muaji – respektivisht, nëse krijoni mosbesim pa nevojë – sepse partneri vërtetë ju do dhe ka mendim të mirë për ju. Personat e lirë të kësaj shenje do të kenë një muaj përplot takime dhe mundësi për njoftime të reja, vetëm se duhet të jenë të gatshëm edhe t’u besojnë partnerëve potencialë.



Ujori
Karriera: Puna ekipore nuk është ana juaj e fortë, sepse çdo punë jeni mësuar ta kryeni vetë dhe pa ndihmën e të tjerëve – ose së paku nuk ndjeheni rahat kur të tjerët ua drejtojnë orientimin në biznes. Përpiquni të pavarësoheni në punë, pra të jeni të vetëpunësuar, ngase aty ju pret suksesi i madh. Në aspektin financiar duhet të tregoheni të kujdesshëm, sepse huadhënia në këtë kohë mund të jetë riskante.
Partneri: Dëshira juaj në këtë kohë është të jeni të lirë dhe të vetëm, por duhet ta pyesni partnerin nëse është dakord me një gjë të tillë. Optimale do të ishte po që se partneri do të kishte të njëjtën dëshirë sikur edhe ju. Për t’iu ikur konflikteve, provoni t’i shprehni ndjenjat tuaja para partnerit, sidomos deri më 9 shtator. Personat e lirë nuk do të kenë dëshirë për një lidhje të sinqertë në këtë kohë.

Peshqit
Karriera: Gjatë muajit shtator duhet të lejoni që ëndrrat tuaja t’ju ndihmojnë në profesion. Pra, lejoni që fantazia të jetojë dhe t’ju ndihmojë në zhvillimin e mëtutjeshëm. Megjithatë, jo çdo fantazi bëhet realitet, se paku jo menjëherë. Përparësi mund të krijoni nëse i zhvilloni idetë që i keni në kokë dhe i zhvilloni planet. Marrë në përgjithësi, është fazë e mirë për t’i mbledhur të mirat që ju ofron profesioni.
Partneri: Bashkë me partnerin tuaj duhet t’i hartoni planet për të ardhmen. Por gjithashtu nuk duhet të ngurroni të flisni edhe për temat tabu që keni në lidhjen tuaj – do të shihni se partneri ka të njëjtat dëshira sikurse ju. Personat e lirë të kësaj shenje duhet të tregohen më tepër realist dhe pragmatik.

flm

sps